【紅唔起就去拍三級?】離開無綫轉拍愛情動作片 陳潔玲:想搵新機會!

2019年01月14日     12,957     檢舉

憑「翻版陳妍希」清純形象入行的2012年落選港姐陳潔玲(Christy),今年約滿無線正式離開TVB。Christy在TVB拍了30多部電視劇,多數都是做不起眼的角色,如今選擇豁出去接拍三級片電影《私人會所》。

陳潔玲參與的電視劇包括有愛回家、來自喵喵星的妳、流氓皇帝、味想天開、與諜同謀、全職沒女等等。

當被問及為什麼會選擇離開,她表示離開是因為想出去闖一闖:「其實在tvb這幾年學到好多野,無論做人處事和演戲,只是覺得世界很大,想試多啲體驗多啲出面啲嘢,所以做咗離開呢個決定。」

雖然離開了TVB,不過Christy都依然會在幕前發展,她還透露在年頭拍了港產片《私人會所》,而且還是主演,應該會在暑假跟大家見面。現在是自由身的她也會在網上各平臺出現,例如在微辣都拍過一些短片,反應都不錯!

Christy其實都明白到在TVB未必可以挨出頭,她說:「會有少少遺憾,自己好喜歡演戲,都想喺演戲呢方面有多啲嘗試,演多啲唔同嘅角色。無辦法喇,公司太多,人多太,相比其他人我都已經有好多機會,不過作為演員緊系想愈多愈好喇。」

在上一個星期六,商台節目《公子會》邀請了陳潔玲(Christy)做訪問嘉賓,不知道她是誰?她曾經是無綫的小花,可惜因沒有機會而離巢,即將上映的電影《私人會所》就是她擔當女主角。她在《公子會》上大爆自己在娛樂圈當中見過最「人渣」的男人,立即惹來不少人熱烈討論誰是「渣男」。

節目主持森美當時拋出一個問題,問到Christy在TVB或者工作上遇過最賤的男人是怎樣的,Christy就答:「有一個case就係我哋一班女藝人,約莫去到咁上下時間呢,就發現原來佢(某男士)追過你喎,又追過佢喎,又追過呢個喎。(追過好多人?)係喇,佢每一次都會用一個故事,就係佢受過情傷,當自己係一個受傷嘅小白兔。講到自己其實係好專一呀,好追求愛情,跟住我哋大家拎返出嚟講就覺得點解個個都一樣。(咁你有無受哄?)佢都有approach過我嘅,都係用同一個故事,嗰一下我都有信佢,因為佢啲招數好勁。佢會識得點令你去同情佢,例如講啲佢以前嘅經歷、童年、屋企嘅慘事咁。但因為嗰陣坊間已經對佢有負面嘅印象,佢反而會用返呢樣嘢,用返佢自己真實嘅版本,姐係係佢自己先係俾人辜負嗰個,佢會講佢自己受過一次好重嘅情傷唔敢再去愛人,但遇到你就重新(出發)嗰啲。好好彩,啲騙徙呃唔到你就會好快去呃第二個。」

這段訪談被商台節錄了放上Facebook,立即惹來不少網民競猜誰是當事人,結果網民意見一致的將矛頭指向吳業坤。對於一連串猜測,《香港01》致電坤哥了解事件,他說:「我同佢(陳潔玲)唔熟㗎,就算拍過《愛回家》同《迷》都係好短時間。(佢話嗰個男人追過佢?)咁緊加唔係我喇,我拎Whatsapp出嚟對質都唔驚,其實不嬲都有好多呢啲新聞,娛樂圈呢幾廿年都一直有,基本上超個三個人就一定有事非。嗰個咩係節目嚟架?等我都聽下先,如果真係好大獲都要搵佢了解嚇。同埋佢話係靚仔,覺得已經與我無關,我有劇拍有歌唱點叫慘搏同情?所以算喇,一笑置之。」坤哥否認,我們去找原訴者Christy究竟誰是「渣男」,不過她笑喊樣回覆:「坤哥見女就上,仲問過我去唔去九龍塘酒店度玩下」再追問是否說出來怕得罪人,她就表示:「唔講啊,sorry!」看來這件事去到此時相信已經沒有再新的證據,各位想知是誰就自己猜測吧